VIDEO YA GWAJIMA AKIMUANIKA DOKTA SLAA

Gwajima akizungumza na waandishi wa habari pamoja na waumini wa kanisa hilo jijini Dar es Salaam leo, kuhusu kauli mbalimbali alizozitoa aliyekuwa Katibu Mkuu wa Chadema Dk.Willibroad Slaa, akimtuhumu yeye kuwa ni mshenga wa Lowassa pamoja na kumpa siri za Maaskofu na wachungaji kuhongwa na Lowassa ambapo alikanusha tuhuma zote.

 

Baadhi ya waandishi wa habari na waumini wa Kanisala Ufufuo na Uzima wakifuatilia mkutano wa Askofu wa Kanisa hilo jijini Dar es Salaam leo

CHADEMA MOROGORO WAGANYIWAKA, KATIBU MAZIMBU AJIUZULU

KUPITISHWA kwa Majina ya Viongozi walioshindwa Kura za Maoni ndani ya Chama cha Demokrasia na Mendeleo (Chadema) Morogoro, kumekigawa Chama hicho na kusababisha, kujiuzulu nyadhifa zao wakipinga Kukatwa kwa Mshindi wao wa Udiwani wa Kata ya Mazimbu, Ebzyan Mokiwa, na kupewa, Mohamed Kilongo (Butelezi).
Viongozi waliojiuzulu ni pamoja na Katibu wa Kata ya Mazimbu, Mchungaji James Power Mabula, na Mwenyekiti wa Baraza la Wazee (BAZECHA), Disckson Magambo, waliodai wanajiuzulu kutokana na kutoridhiwa na Maamuzi ya Chadema Wilaya ya Morogoro Mjini.
Akizungumza na Waandishi wa habari Mchungaji Mabula amethibitisha Kujiuzulu Wadhifa wake wa Ukatibu wa Chadema Mazimbu, akisema kama Mtumishi wa Mungu hawezi kushiriki kuyaishi Maovu na Dhuluma ya aina yoyote ikiwemo Rushwa, isipokuwa kuyakemea kama Maandiko yanavyomuagiza.
“Ni kweli awali nilisema, Nimeitwa kuitumikia Chadema na nitaendelea na kuwa Mwanachama mwaminifu wa Chadema, ila siwezi kushiriki kuwanyima Haki maana, Haki huinua Taifa, dhambi ni aibu ya watu wote, sitaki kubeba dhambi”.alisema Mabula.

Mokiwa ni Mwenyekiti wa Serikali ya Mtaa wa MODECO alikiri kukatwa na Chadema Wilaya na kutoshirikishwa na Timu ya kumnadi Mgombea (Mshindani wake), ambapo yeye alidai, atendelea kuwa Mwanachama na Mwenyekiti wa Mtaa wa MODECO, ila “Nimeumizwa na niliyotendewa”.
Wachambuzi wa Siasa wamesema, Sakata la kukata Majina ya Washindi wa Chadema litakigharimu Chama hicho, na imefahamika kuwa kwenye Kata ya Kihonda Maghorofani, nako Mshindi wao wa Udiwani, Elizeus Rwegasira, alikatwa jina kuwekwa, Gabriel Temba, aliyeshindwa.
Hata hivyo wamedai, CCM imeshajihakikishia Ushindi wa Jimbo la Mvomero kupitia kwa Mgombea wake, Sadiq Murad, hata kama jimbo hilo linaonekana ni Ngome ya Chadema, wanadai kukatwa kwa jina la Mgombea wao aliyegombea Ubunge kwa  Tiketi ya Chadema Mvomero, Matokeo Wodern Mang’eta, aliyeasisi Chama hicho huko na kupewa, Mchungaji Osward Mlay, ni Kigezo kikubwa cha Mtiti huo.

Lowasa aingia mtaani kukusanya maoni ya wananchi jionee

Mgombea Urais 2015 Tanzania kupitia headlines za UKAWA Edward Lowassa leo August 24 2015 aliamua kuwashtukiza Watanzania kwa kwenda kuwatembelea moja kwa moja mtaani kuwasikiliza matatizo yao na kupanda nao daladala kama inavyoonekana kwenye hizi picha.

Walinzi wa CHADEMA Walioongoza Msafara wa Lowassa Jijini Mbeya Watakiwa Kujisalimisha Polisi Kwa Ajili ya Mahojiano

Mnamo Tarehe 14.08.2015 Mgombea Urais Kwa Tiketi Ya Chadema Alikuja Mkoa Wa Mbeya Akiwa Ameandamana Na Viongozi Wa Vyama Vya Cuf, Nccr – Mageuzi Na Nld Kwa Dhumuni La Kumtambulisha Na Kuomba Udhamini Wa Kupeperusha Bendera Ya Chadema Kwa Nafasi Ya Urais.

Katika Msafara Wake Kutoka Uwanja Wa Ndege [songwe] Kulionekana Gari Moja (pichani) Aina Ya Land Cruiser – Pick Up Yenye Rangi Nyeusi Na Ndani Yake Lilikuwa Limebeba Vijana Ambao Walikuwa Wamevaa Mavazi Meusi, Kofia – Bereti Nyeusi Na Miwani Nyeusi Na Mabuti. 

Watu Hao Walikuwa Na Muonekano Kama Askari Na Shughuli  Waliyokuwa Wakifanya Ya Kuongoza Msafara, Ulinzi Na Kazi Nyingine Zifanyazo Na Jeshi La Polisi.
 
Kutokana Na Muonekano Wao Na Shughuli Walizokuwa Wakizifanya Ilikuwa Ikitafsirika Kuwa Ni Jeshi Lifanyazo Kazi Hizo Ambalo Halikuwa Likifahamika.

Kutokana Na Sintofahamu Hiyo Wananchi Wengi Walikuwa Wakihoji “hilo Ni Jeshi Gani” Sambamba Na Kutuma Picha Kwa Njia Ya Mtandao Wa Kijamii [whatsapp] Wakionyesha Wasiwasi Waliokuwa Nao Dhidi Ya Kikundi Hicho.

Kufuatia Hali Hiyo, Ofisi Ya Mkuu Wa Upelelezi Wa Makosa Ya Jinai Mkoa Wa Mbeya Ilifungua Jalada La Uchunguzi Ili Kuwapata Vijana Wale Kwa Lengo La Kuwahoji Na Kukamilisha Upelelezi Ili Jalada Lipelekwe Kwa Mwanasheria Wa Serikali Kwa Ufafanuzi Wa Kisheria.

Hii Ni Kutokana Na Kuibuka Kwa Makundi Ya Aina Hii Hasa Kwa Vyama Vikubwa Vya Siasa Hapa Nchini.

Katika Kufanya Ufuatiliaji Huo, Wapo Watu Wawili Walikamatwa Alfajiri Ya Leo Tarehe 18.08.2015 Kwa Mahojiano Na Baada Ya Maelezo Yao Kuchukuliwa Walipewa Dhamana. 

Baadhi Ya Viongozi Wao Waliokuja Polisi Wameelezwa Kuhitajika Kwa Vijana Wale Waliokuwa Katika Gari Lile Ili Wahojiwe Na Kukamilisha Upelelezi Wa Jalada Hilo Mapema Ili Mwanasheria Wa Serikali Alitolee Mwongozo Wa Kisheria.
 
           Imesainiwa Na:
[ahmed Z. Msangi – Sacp]

Kamanda Wa Polisi Mkoa Wa Mbeya

JESHI LA KAMPENI LA CCM DHIDI YA UKAWA hili hapa

Chama cha Mapinduzi (CCM) kimetangaza Kamati ya Kampeni yenye wajumbe 32, wengi wao wakiwa ni wale waliowahi kuvaana na mgombea wa Chadema, Edward Lowassa katika masuala tofauti.

Lowassa, Waziri Mkuu wa kwanza wa Serikali ya Awamu ya Nne, alijiondoa CCM mwishoni mwa mwezi uliopita na kujiunga na Chadema, ambayo ilimpa fursa ya kutimiza ndoto yake ya kugombea urais, akiwakilisha vyama vinne vya Chadema, NCCR-Mageuzi, CUF na NLD.

Tangu ahamie Chadema, Lowassa amekuwa akivuta wafuasi wengi kwenye shughuli za Ukawa, hali inayoashiria uwezekano wa kuwapo kwa upinzani mkubwa kwenye Uchaguzi Mkuu wa mwaka huu.

Jana katika taarifa yake, CCM haikutoa maelezo mengi kuhusu kamati hiyo zaidi ya kutangaza kuwa itaongozwa na Katibu Mkuu wake, Abdulrahman Kinana na kutaja majina ya wajumbe.

“Hii ni kamati ambayo itakuwa inafanya oparations za kila siku,” alisema Katibu wa Itikadi na Uenezi wa CCM, Nape Nnauye wakati akitangaza kamati hiyo jana.

Kinana anajulikana kutokana na kazi aliyoifanya ya kuongoza kampeni kwa mafanikio, akifanikisha ushindi wa marais wawili mwaka 1995, wakati alipoongoza kampeni za Rais Benjamin Mkapa na 2005 wakati Rais Jakaya Kikwete akiingia Ikulu.

Licha ya Nape kutozungumzia majukumu ya kamati hiyo, mmoja wa wajumbe, January Makamba alisema wamejipanga vizuri na mwaka huu watafanya kampeni za kisasa.

“Tumejipanga na namna tunavyojipanga ni siri yetu, ni mambo ya ndani ambayo sisi wenyewe kwenye timu tunayafahamu na hatuwezi kutoa siri hizo kwa kuwa  ndizo silaha za maangamizi. Kwa kifupi tutashinda,” alisema naibu waziri huyo wa Mawasiliano Sayansi na Teknolojia.

Makamba, ambaye pia ni Mbunge wa Bumbuli mkoani Tanga, alisema kampeni za CCM mwaka huu zitakuwa za kisasa zinazoendana na mazingira ya kisiasa ya msimu huu.

“Tumejitayarisha kushinda, juhudi zetu na ari yetu ni kushinda na kampeni zetu zitakuwa za kisasa zaidi,” alisema Makamba.

Mwenyekiti wa Jumuiya ya Wazazi ya CCM, Abdallah Bulembo alitumia mfano wa mpira wa miguu kuelezea ukubwa wa kamati hiyo dhidi ya wapinzani.

“Timu hiyo ya kampeni ni sawa na kuileta Arsenal kuja kucheza na timu ya daraja la tatu. Kwa hiyo katika hali hiyo usiulize matokeo,” alisema Bulembo ambaye alikuwa mdau wa soka kabla ya kuingia kwenye siasa.

Kamati hiyo ina wajumbe ambao walitemwa kwenye mbio za urais ndani ya CCM, wajumbe wa Kamati ya Bunge iliyochunguza sakata la Richmond, wajumbe ambao walikuwa kambi ya Lowassa alipokuwa kwenye mbio za urais ndani ya chama hicho, wajumbe ambao ni maarufu kwa kurusha vijembe dhidi ya wapinzani na wajumbe ambao walishaweka bayana uhasimu wao na mbunge huyo wa Monduli.

Nape alisema Kinana atasaidiwa na makamu wenyeviti wawili ambao ni Rajabu Luhwavi (Bara) na Vuai Ali Vuai (Zanzibar) ambao pia ni manaibu wake kwenye chama.

Wajumbe ambao ni wale waliotemwa kwenye mbio za urais ni Dk Asha-Rose Migiro, Samuel Sitta, Mwigulu Nchemba, Dk Harrison Mwakyembe, Makamba, Lazaro Nyalandu, Stephen Wasira, Bernard Membe na Makongoro Nyerere.

Pamoja na kutopitishwa kuwania urais kwa tiketi ya CCM, makada hao wamekuwa wakieleza kuwa hawawezi kuhama chama kama alivyofanya Lowassa na watakuwa wakionyesha kuwa wamevunja makundi kwa kushiriki kumpigia kampeni Dk Magufuli.

Kamati hiyo pia inamjumuisha Sitta, Spika wa Bunge la Tisa ambaye anajulikana kwa kuruhusu mijadala dhidi ya Serikali. Katika mijadala hiyo, Bunge lliliunda kamati iliyoongozwa na Dk Mwakyembe kuchunguza sakata la Richmond lililosababisha Lowassa ajiuzulu uwaziri mkuu.

Katika hotuba yake ya kujiuzulu, Lowassa alidai kuwa suala hilo lilipikwa na mahasimu wake wa kisiasa kwa sababu ya uwaziri mkuu.

Kundi jingine la wajumbe wa kamati hiyo linahusisha makada waliokuwa kambi ya Lowassa alipokuwa anawania urais kupitia CCM lakini hawakuhama naye. Wajumbe hao ni Christopher ole Sendeka, Sadifa Juma Khamis, Shamsi Vuai Nahodha na Sofia Simba, ambaye alipinga uamuzi wa Kamati Kuu wa kupitisha majina matano na kuacha mengine kinyume na katiba.

Wajumbe wengine ni Livingstone Lusinde, Abdallah Bulembo na Nape, ambao wanajulikana kwa kushambulia wapinzani. Lusinde alijipatia umaarufu katika uchaguzi mdogo Jimbo la Arumeru Mashariki, Machi 2012 alipoamua kutumia lugha chafu dhidi ya viongozi wakuu wa Chadema.

Tayari Kinana, Mwigulu, Nape, Bulembo na Wasira wameshanukuliwa wakirusha mashambulizi makali dhidi ya Lowassa na wote waliohama CCM kuwa ni makapi na mafuta machafu na kwamba Magufuli atashinda.

Vilevile, wamo makada waliowahi kutangaza hadharani kuwa mahasimu wa Lowassa tangu alipokuwa ndani ya CCM, akiwamo Anthony Diallo. Kundi jingine ni la makada vijana kama Ummy Mwalimu, Steven Masele na Pindi Chana.

Wakizungumzia uteuzi huo, baadhi ya wajumbe waliishukuru CCM kwa kuwaweka kwenye kamati hiyo huku wakitamba kwamba watahakikisha chama hicho kinaendelea kuongoza nchi.

Mwalimu ambaye pia ni Naibu Waziri wa Sheria na Katiba, alisema uteuzi wake ni jambo linaloonyesha kuwa anaaminika na kuahidi kufanya kazi kwa juhudi kuhakikisha CCM inashinda.

“Kamati imejipanga,” alisema. “Kazi kubwa ni kuhakikisha Dk Magufuli anashinda na anaingia Ikulu kwa kuwa anauzika.

“Hatutishiwi na kitu, tunaamini katika kushinda na kazi yetu kubwa ni kuhakikisha tunashinda kwa kupambana. Magufuli anauzika.”

Ahadi ya kufanya kazi kwa bidii pia ilitolewa na Mbunge wa Kiembesamaki, Waride Bakari Jabu ambaye alisema atajituma kwa asilimia 100 kuhakikisha CCM inashinda.

“Nimefurahi na nitafanya kazi kwa nguvu zangu zote kuhakikisha kuwa tunashika dola Zanzibar na Bara,” alisema.

Wakati Jabu akiyasema hayo, Mbunge wa Viti Maalumu, Dk Maua Daftari alitaka wananchi wawaunge mkono katika kazi hiyo.

“Hili jukumu si la kwanza, lakini ninachoweza kusema ni kuwa wananchi watuunge mkono ili tushinde,” alisema na kusisitiza kuwa watahakikisha kampeni zinafanyika kwa usalama na wala si kwa fujo.

Mwenyekiti wa CCM Mkoa wa Mwanza, Anthony Dialo alisema amepokea uteuzi huo na anachosubiri ni kukaa na kupanga kitakachofanyika.

Makongoro, ambaye ni Mbunge wa Bunge la Afrika Mashariki (Eala), alisema hajapata taarifa rasmi kuhusu kuteuliwa kwake kwenye kamati hiyo.

Hata hivyo, alisema hiyo itakuwa ni mara yake ya pili kuwa kwenye kamati ya kampeni kwani aliwahi kufanya kazi kama hiyo alipokuwa NCCR-Mageuzi mwaka 1995. Alisema atazungumza zaidi kuhusu wajibu huo aliopewa pindi atakapopewa taarifa rasmi na Nape.

Wakati Diallo na Makongoro wakisubiri kikao, Nchemba, ambaye ni Naibu Waziri wa Fedha, alitumia nafasi hiyo kumsifu Dk Magufuli.

“Sisi tunachokifanya ni kuweka njia tu ya kwa nini achaguliwe, kuwaambia Watanzania kwa nini anafaa, kwa kuwa awamu ya tano ni awamu ya kazi tu,” alisema.

Source: Mwananchi

WANACHAMA WA UKAWA WA MJIBU NAPE KWA MABANGO

Katibu Mwenezi wa CCM Nape Amekaririwa Akisema kuwa CCM ina Wanachama Wengi sana, Hao wawili watatu mnaosikia wanahama chama kila siku ni sawa na Oili chafu ya Gari ....Hawana Tena Thamani.....

Lowassa ni mbinafsi “Watanzania mnatakiwa kufahamu kuwa mnapokutana na Lowassa, Ninyi sio kitu bali kitu ni Lowassa,”

Hamfrey Polepole na Mbunge wa Iringa Mjini, Mchungaji Peter Msigwa wamekabana kwa hoja kali kuhusu uamuzi wa Chadema na Ukawa kwa ujumla kumpokea Edward Lowassa na kumpa nafasi ya kugombea Urais.Polepole na Msigwa walikutana jana katika kipindi cha ‘Mada Moto’ kinachorushwa na kituo cha runinga cha Chanel Ten kujadili mada iliyotajwa kama ‘Lowassa Ndani ya CCM’.Polepole alionesha msimamo wake wa kumkataa Edward Lowassa kuwa sio kiongozi sahihi aliyepaswa kuungana na Ukawa katika safari yao ya kutaka kuongoza dola na kupata katiba mpya ya wananchi kwa kuwa ana tuhuma nzito zilizompa madoa.Aliongeza kuwa dhana ya upinzani na mwenendo wa Ukawa ulipotea pale walipomkaribisha Lowassa huku wakisahau kuwa ni miaka michache iliyopita walizunguka nchi nzima kuwaaminisha watanzania kuwa ni fisadina kwamba wana ushahidi wa kutosha.Polepole ambaye alikuwa mjumbe wa iliyokuwa Tume ya Mabadiliko ya Katiba iyoongozwa na Jaji Warioba, alisema kuwa Ukawa iliundwa kwa madhumuni ya kutetea Katiba ya Wananchi na sio kwa lengo la kisiasa kama ilivyo sasa.Alisema kuwa Edward Lowassa hana msimamo thabiti kwenye maamuzi yake kuhusu Katiba anayoitaka kwa kuwa aliwahi kumhoji awali akasema anahitaji muundo wa serikali tatu lakini baadae alimfuata na kumueleza kuwa amebadili anataka muundo wa serikali mbili.“Lowassa niliongea naye wakati huo nakusanya maoni kuhusu katiba mpya, mara ya kwanza alisema anataka serikali tatu na akaandika kwenye kumbukumbu maalum za bunge. Lakini baadae alinifuata tena na kubadili msimamo wake akitaka serikali mbili,” alisema Polepole.Anasema kilichomshangaza zaidi kwa Lowassa ni pale alipopendekeza kuwa anataka muundo wa serikali mbili na kwamba serikali hizi mbili ziwe na uhusiano wa kijeshi pekee.Akiendelea kutetea hoja yake ya kumpinga Lowassa, PolePole alisema kuwa amewahi kufanya kazi na Lowassa na kwa undani kabisa aligundua kuwa ni mbinafsi.“Watanzania mnatakiwa kufahamu kuwa mnapokutana na Lowassa, Ninyi sio kitu bali kitu ni Lowassa,” alisema.Mjadala huo ulitawaliwa na mivutano binafsi iliyowalazimisha kutoka nje ya mada mara kadhaa hususan baada ya Mchungaji Msigwa kutoa tuhuma za Polepole hadharani kisha akampa nafasi ya kujitetea.Baada ya PolePole Kujitetea kufuatia tuhuma hizo, Mchungaji Msigwa alimueleza kuwa alichokifanya ndio kinaitwa ‘natural justice’ ambayo Edward Lowassa hakupewa wakati ule.Akizijibu hoja za Polepole huku kukiwa na majibishano ya hapa na pale, Mchungaji Msigwa alikiri kuwa yeye ni mmoja kati ya wanachama wa Ukawa waliomsema sana Edward Lowassa na kumuita fisadi lakini sasa ameamua kukaa kimya.“It’s true tulisema. Hata mimi nilisema, it’s true I can’t deny it. Lakini hata Joe Biden (Makomo wa pili wa Marekani) alikuwa anamsema Obama kuwa ‘he does not fit for Commander in Chief, lakini alipochaguliwa wakafanya kazi pamoja. Hatuwezi kusema kana kwamba Lowassa ndiye muovu kuliko mtanzania yeyote hapa nchini,” alisema.Aliongeza kuwa kitu kikubwa alichojifunza kwa Lowassa na kumfanya amheshimu sana, ni moyo wa uvumilivu na kukaa kimya hata pale alipokuwa akitukanwa kila kona na kuitwa Fisadi. Alisema moyo huo wa uvumilivu hata watumishi wengi wa Mungu hawana.Alifafanua kuwa katika ulimwengu wa siasa ni kawaida kufanya kazi na mwanasiasa ambaye awali ulikuwa ukimpinga sana kwa kuwa muda ukifika akaamua kubadilika mambo hubadilika pia.Msigwa alisema kuwa chama chao ni chama cha demokrasia na maendeleo na kwamba hilo ndilo limewapelekea kumfungulia mlango Edward Lowassa baada ya kumhoji na kumuelewa.Alipinga hoja ya Polepole kuwa Lowassa ana mapesa mengi ambayo ameyapata kwa njia zisizofahamika, Msingwa alisema kuwa maelezo hayo hutolewa bila kuelezewa kwa undani kama ana pesa nyingi kuliko nani (serikalini).“Unasema Lowassa ana mapesa mengi, ni kama vile unajua akaunti zote za Lowassa zina shilingi ngapi. Na husema ana fedha nyingi kuliko nani?”Aliwataka watanzania kutomchukulia Lowassa kama vile ndiye mtanzania mwenye dhambi nyingi kuliko wote bali wajikite katika kuangalia nia yake ya dhati ya kuleta mabadiliko ya kweli nchini.Alisisitiza kuwa Chadema hawana muda wa kumsafisha Lowassa kwa kuwa umati uliofurika kumsindikiza kuchukua fomu ya kugombea urais katika ofisi za Tume ya Uchaguzi Mkuu (NEC) inaonesha jinsi ambavyo watanzania wana Imani naye.Alisema kuwa kwa mujibu wa tafiti zilizofanyika hivi karibuni zinaonesha kuwa ni asilimia 5 hadi 8 tu ya watanzania ambao wamejikita katika kufahamu ufisadi wa wagombea na kwamba umma mkubwa unataka mabadiliko kwa kuwa wamechoshwa na muundo.Msigwa alimtaka PolePole kutomzungumzia Lowassa pekee kwa mtazamo hasi bali azungumzie pia ubaya wa Magufuli ambaye anaunga mkono muundo wa serikali mbili kinyume na ile anayoisapoti Polepole na Tume Ya Mabadiliko Ya Katiba. Na kwamba yapo maovu mengi kwenye wizara ya ujenzi inayoongozwa na Mafuli.Akijibu hoja ya Msigwa, PolePole alisema kuwa yeye ni mmoja kati ya watu walioishawishi CCM kukata majina ya wagombea wote wenye madoa katika mchakato wa kura za maoni kumpata mgombea urais.Alisisitiza kuwa ingawa CCM ni chama chake, hatampigia kampeni Magufuli hadi pale ambapo rufaa zilizokatwa dhidi ya wagombea waliotangazwa kuwa washindi wa kura za maoni ziangaliwe na wote wenye madoa waondolewe.
“Ili niwaunge mkono, CCM mnatakiwa kuwakata watu wote katika mchakato wa kura za maoni wanaotuhumiwa kwa kashfa mbalimbali,” alisema Polepole ambaye awali alitangaza kutembea nchi nzima kuhamasisha watu wasimchague Lowassa.PolePole alitoa ushauri pia kwa chama chake cha CCM ili kiwe tofauti na makosa yaliyofanywa na wahasimu wao wa kisiasa, Ukawa.“Viongozi wa CCM, kama Ukawa wamewachukua watuhumiwa wamewakubali. Nyie onesheni uongozi na utofauti mhakikishe mnawakata wagombea wote wanaotuhumiwa. Onesheni kwamba watuhumiwa hawana nafasi kwenu.

BREAKING: Dr. Slaa aibuka tena kupitia Ukurasa wake wa Twitter na kusema Mambo Mazito kuhusu Lowassa

BREAKING: Dr. Slaa aibuka tena kupitia Ukurasa wake wa Twitter na kusema Mambo Mazito kuhusu Lowassa...Hapa Chini unaweza Kusoma Mambo yote aliyosema kuhusu Lowassa na Chadema... 

Habari Mpya Kutoka MUHIMBILI Ambako Freeman Mbowe Amelazwa Baada ya Kuugua Ghafla

Hali ya mwenyekiti wa CHADEMA taifa na mbunge wa jimbo la Hai anayemaliza muda wake, mh Freeman Aikae Mbowe, imeendelea kuimarika.

Akizungumza na waandishi wa habari muda mfupi uliopita katika Hospitali ya taifa ya Muhimbili, anakopatiwa matibabu, mh Mbowe, amesema anaendelea vizuri na kwamba bado anaendelea kupumzika hospitalini hapo, kama alivyopangiwa na madaktari wanaoangalia hali yake.

''Hali yangu imeendelea kuimarika na kilichonipata jana kwa mujibu wa uchunguzi wa madaktari ni uchovu wa muda mrefu, uliobainishwa kutokana na shughuli za muda mrefu bila kupumzika katika shughuli zangu za kisiasa'' amesema Mbowe.

Mh Mbowe ameongeza kwamba, madaktari wamemtaka kuendelea kuwa chini ya uangalizi wao mpaka hapo watakapo mruhusu kuendelea na shughuli zake za kwawaida.

Mmoja kati ya madaktari wanaoangalia afya ya mh Mbowe, Dr Tulizo Sanga(daktari bingwa wa magonjwa ya moyo) ,amewaambia waandishi wa habari hospitalini hapo kwamba, mh Mbowe alipokelewa jana akitokea Hospitali ya Doctors Plaza ya Kinondoni,jijini Dar Es Salaam, kwa ajili ya uangalizi na uchunguzi zaidi kutokana na kuugua ghafla wakati akiwa katika msafara wa mgombea urais wa CHADEMA, Edward Lowassa.

Mh Mbowe amelazwa katika hospitali ya Muhimbili, kitengo cha moyo, baada ya kuugua ghafla jana na kukimbizwa hospitalini hapo.

Nae James Mbatia mwenyekiti wa NCCR Mageuzi, ambaye pia ni mwenyekiti mwenza wa UKAWA, amefika hospitalini hapo kumjulia hali mh Mbowe, na amesema pamoja na hali ya kuumwa ya mh Mbowe, wao bado wanaendelea kufanya kazi na kwamba ratiba mbalimbali za vikao vya UKAWA ziko palepale, na amewaomba watanzania kuwa watulivu na kuendelea kumuombea mh Mbowe, apone haraka.

Gazeti la Uhuru: Vijana waliomsindikiza Lowasa kuchukua fomu jana ni VIBAKA

Ni kitambo sana gazeti dada la chama Cha Mapinduzi limekua likinanga Harakati za vyama pinzani. Yote tisa kumi ni ripoti zilizomo kwa gazeti hili tar 11/08/2015 siku moja baada ya MTETEMO WA UKAWA JIJINI DAR.

"Ati Kundi la vibaka latikisa Ukawa. " hao vibaka mliwaona wapi, hizo fedha walizolipwa mliziona kwa nani, na hizo Pombe walizokunywa mliwanywesha?

Mmeanza kukata mauno hata ngoma bado haijaanza kudunda? Mtachoka mapemaaa. Kama Gazeti ni la kimapinduzi wapeni watu habari zenuu, msiwapotoshe watu kwa vitu walivyovishuhudia.

Niwaulize kidogo.

Hiviii Wizi wa kura katika michakato ya majimboni si habari? Semeni hayo.

Na je Rushwa iliyoota mizizi katika Harakati za uteuzi si habari? Andikeni hiyo

Breaking News: Jeshi la Polisi Lakanusha Kupiga Marufuku Maandamano ya Kumsindikiza Kuchukua fomu Mgombea urais Chadema,Edward Lowassa

Kamanda wa polisi kanda maalum ya Dar  es  Salaam Suleiman Kova amekanusha  kupiga marufuku  maandamano  ya  kumsindikiza  Lowassa  Kuchukua  fomu ya  kugombea  urais  ofisi  za  tume  ya  taifa  ya  uchaguzi.

Kova amesema kuwa maandamano wanayo yatambua ni yale yanayo anzia ofisi  za  CHADEMA kwenda NEC,lakini ya kutoka Nec kwenda makao makuu ya CUF Buguruni hawayatambui.

Katika  Hatua  nyingine, Mwenyekiti  wa  CHADEMA,Freeman  Mbowe  amesema  hawana  taarifa  yoyote  ya  zuio  la  maandamano  toka  jeshi  la  polisi.

Mbowe  amesisitiza  kuwa  maandamano  ya  kumsindikiza  Lowassa  NEC  yako  palepale  na  amewataka  wapenzi  na  wafuasi  wa  UKAWA  wasiogope.

Mke wa Dk Slaa afunguka

Dar es Salaam. Siku moja baada ya Katibu Mkuu wa Chadema, Dk Willibrod Slaa kuzungumza na gazeti hili na kusema yupo salama, mke wake, Josephine Mushumbusi amekanusha tuhuma zilizozagaa kuwa ndiye aliyemshauri kiongozi huyo wa Chadema kujiuzulu na kumzuia kushiriki vikao muhimu vya chama.

Tetesi hizo zilivuma kwenye mitandao ya kijamii na vyombo vya habari baada ya Dk Slaa kutoonekana katika vikao muhimu vya Chadema na Ukawa, kuwa Mushumbusi hakupendezwa na kitendo cha Lowassa kupitishwa kuwania urais chini ya mwavuli wa Ukawa na badala yake alitaka Dk Slaa ndiye awe mpeperusha bendera.

Kwa mujibu wa taarifa hizo ambazo Mushumbusi amezikanusha, aliamua alimfungia ndani Dk Slaa kama moja ya mbinu za kumzuia asishiriki shughuli za kichama, tuhuma ambazo amezikanusha.

“Bosi wako akija kukuomba ushauri utamsaidia, lakini akija akakuambia ameshafanya maamuzi unaweza kupingana naye?” alihoji Mushumbusi akianza kutoa maelezo yake na kuendelea:

“Wakati wa vikao nilikuwa namwona (Dk Slaa) anachelewa kurudi kila siku, siku moja akaja akaniambia uamuzi aliouchukua na mimi sikuwa na la kusema, nikachukua shuka nikajifunika.”

Katika mahojiano yake ya kwanza na Mwananchi baada ya kuzagaa kwa tetesi hizo, Mushumbusi pia alikana kumfungia Dk Slaa ndani ya nyumba, akisema wakati maneno hayo yalipokuwa yanazagaa, alikuwa nje ya nchi na wala hakujua kinachoendelea.

“Mwenyewe najiuliza nini kinaendelea, siwezi kufanya kitu kama hicho. Nyumba yangu ina milango miwili, nawezaje kumfungia mtu, tena mwanamume, hata watoto siwezi kuwafungia. Kuna mambo mengine mwanamke huwezi kuyafanya kwa mwanamume. Mwanamume ni mwanamume tu,” alisema.

Alisema viongozi wa Chadema, ndugu, jamaa na marafiki walikuwa wanafika nyumbani kwake na walikutana na Dk Slaa na kuzungumza naye... “Kama ningekuwa nimemfungia wangezungumza naye vipi?”

Mushumbusi alisema mwanamke anaweza kufanya chochote lakini kuna baadhi ya mambo ambayo mwanamume akiamua ni vigumu kumzuia.

Akifafanua tuhuma za kumshinikiza Dk Slaa kujiuzulu Chadema, Mushumbusi alisema kiongozi huyo wa Chadema ana uamuzi wake na yeye ni msaidizi tu ambaye hana uamuzi wa mwisho kwenye familia.

Hata hivyo, alisema endapo angeamua kumshawishi, uwezo wa kufanya hivyo anao lakini yeye ni mwanamke mwadilifu anayependa mafanikio ya mumewe.

“Kwani unanionaje? Mimi ni ‘strong’ (nina nguvu), ningetaka ningefanya hivyo, nisingeshindwa,” alisema.

Pamoja na hayo, Mushumbusi alilalamika kuwa tuhuma hizo dhidi yake zimesababisha asisikilizwe kama ilivyokuwa awali.

Bila kufafanua kwa undani, alisema kuna kundi linalounda propaganda hizo ili abadili mtazamo kuhusu mumewe lakini jambo hilo haliwezi kutokea.

“Nilisema nitampenda kama alivyo, sitajali chochote wala akiwa katika hali gani au chama gani. Kazi yangu ni kumtia moyo ili kile atakachofanya kifanikiwe,” alisema.

Auza mkaa

Mbali na kukanusha vikali tuhuma hizo, Mushumbusi alisema alikwishajitoa kwenye masuala ya siasa kwa miaka miwili sasa na badala yake ameamua kufanya biashara ya kuuza mkaa.

“Nimenyamaza kimya, nimekaa kando ninaendelea na biashara yangu ya kuuza mkaa, nipo mbali na siasa na sitaki kujua kinachoendelea, kwanza hata mchakato wenyewe siujui,” alisema.

Aliwashauri wanawake kuacha kushabikia masuala yanayotokea ndani ya ndoa yake na kuwataka wavae viatu anavyovivaa na wajue kuwa anapitia wakati mgumu

Prof:Ibrahim Lipumba Ang'atuka

Prof. Lipumba akiongea na waandishi wa Habari kwenye Hoteli ya Peacock

Prof. Ibrahim Lipumba ametangaza kujiuzulu nafasi ya Uenyekiti kwenye chama chake cha Wananchi CUF.

Ametangaza kuachia ngazi uenyekiti wa chama hicho mapema leo, alipokuwa akizungumza na waandishi wa habari katika hoteli ya Peacok.
Tazama video Prof: Lipumba akiongea na waandishi wa habari

Amesema amechukua uamuzi huo kutokana na UKAWA kushindwa kusimamia makubaliano yao.


Prof Lipumba akitaja sababu za kujiuzulu nafasi ya uenyekiti CUF
Na hizi ni baadhi ya kauli/sentensi alizo zitoa Prof. lipumba kwa waandishi wa habari

Angalizo Kwa Dr. Slaa na Edward Lowassa!

Kabla sijaanza kuelezea lolote napenda kumukumbusha Slaa ambaye ana taaluma ya upadri.
Katika kitabu cha matendo ya Mitume kuna ushahidi kwa Sauli alikuwa muuaji na tena alikuwa anauwa mitume lakini alipata badiliko la kweli na kujiunga na mitume wengine.

Wakati Sauli anafanya hivyo Mitume wengine walianza kumunyanyapaa na kumuogopa lakini katika bibilia , imethibitishwa kwamba hadi leo Paulo (aliyekuwa Sauli) ndiye aliyefanya kazi kuliko Mitume wote.

Bila shaka kuna watu ndani ya CHADEMA na hata nje ya CHADEMA wanataka kujenga hoja ya kumunyanyapa LOWASSA ati ni Fisadi , hata mimi niliingia mtego huu lakini napenda kuhojhi yafuatayo:

(1)Lowassa amehama CCM na kwa hatua hiyo ameingamiza nafsi yake kwa kiwango Kikubwa.

(2)Lowassa yupo tayari kutumia Pesa yake na mali yake kubomoa CCM

(3)LOWASSA ana hasira kali na CCM na miungu watu ndani ya CCM

(4)LOWASSA kama waziri Mkuu mstaafu ametake risk ya Kifo kiasi kwamba anataka kupiga CCM kwa Nyaraka zito za Siri ambazo Slaa hawezi kuzielezea

(5) Lowassa anajua mikakati ya Wizi wa Kura ndani ya CCM kwa miaka zaidi ya 40

(6) Ndani ya CCM hawakutarajia wala hawakuwahi kupanga kuwa mtu kama Lowassa ambaye ameshika nafasi nyeti kama waziri mkuu anaweza kuasi serikali kiasi hiki.Huu uasi unatisha na haujawahi kutokea, na hata pale ulipojaribu kutokea wahusika hawakubaki hai

(7)Kwa sasa CCM wanahaha sana juu ya Lowassa kuchukua form. Mikakati ya CCM iliielekeza Nguvu kumshambulia Slaa lakini Mungu amebadili Plan ghafla na kumuleta Lowassa ambaye hawajajipanga na ni Pigo kubwa

(8)Kwa sasa Uasi uliojitokeza CCM ni vigumu kujua nani yupo kwa nani.Angalia mtandao wa Lowasa ndani ya CCM unatisha na umetulia Kimia.Mtandao huu jumlisha nguvu ya Umma ni lazima CCM ibaki kama KANU

MAONI KWA SLAA.
(1)Wakati unagombea urais ulikuwa na Rozi Kamili ukamwacha na kumuoa Josephine,
Rozi Kamili alikubali ujio wa Josephine lakini leo Josephine huyo amekuwa kikwazo kwa maamuzi yako.

(2)Mambo ya Chama huwezi kumuhusisha Mwanamke, huo ni udhaifu mkubwa na kama kweli unamsikiliza mwanamke basi ujue hutapata nafsi ya kurudi kwenye jamii na wakakuamini na kukupa heshima kama walivyokupa.
Mke ni mshauri wake kwa mambo yote lakini kikao kama kamati kuu kinapopitisha maamuzi harafu mkeo anapinga maana yake mke huyo hafai kuwa First Lady na hata wewe hufai kuwa Kiongozi

(3)Slaa aliwahi kusema kuwa anapata Nyaraka kwa watu wa Tiss , sasa angalia Mkurungezi wa zamani Tiss Apson ameonekana kwa Lowassa, Kingunge ambaye hajawahi kukaa na Slaa amejitokeza kwa Lowassa , akina Emmanuel Nchimbi na Sophia Simba ambao ni watu wa ndani serikalini na wameshiriki kukuibia wewe Slaa kura wamejitokeza Nyuma ya Lowassa na wala hawawezi kujitokeza kwako. Je, wewe huna akili ya kuona haya?

(4) Lowassa hadi leo ana ulinzi wa Ikulu ambao hauwezi kuhujumiwa , wewe Slaa juzi tu mlinzi wako amenunuliwa.
Lowassa hawezi kupewa nyaraka feki toka ikulu kwa kuwa kuna akina Apson , je wewe una nani zaidi ya Mkeo ambaye umempora kutoka kwa watu wa CCM?

Nina hasira na wewe Slaa pamoja na mkeo toka haraka huko uje huku Mungu anakuita kwa mara ya mwisho umuunge Lowassa katika urais vinginevyo utapotea Kisiasa bado wiki moja tu utapoteza mwelekeo

MAONI KWA LOWASSA

(1)Umeitwa Mwizi kwa siku nyingi sana na hata mimi nimekuita hivyo , sasa huu ni wakati wa wewe kutuambia mwizi halisi ni nani na utoe Ushahidi

(2) Zipo taarifa kwamba CCM wanapanga kukata jina lako kwenye tume ya uchaguzi hivyo nakusihii usikate tama.Muombe Mungu .Hii ni safari ya ushindi na si matumaini tena

(3)Usiogope kushambulia Ikulu kwa kuwa Mussa alikaa Ikulu ya Farao na kulelewa hapo lakini Mungu alimpa kazi ya kumuangamiza Farao.
Hivyo Lowassa umepewa kazi ya Kuingamiza CCM hivyo fanya kweli ujue kwamba Slaa hajui haya.

(4)Kama Lowassa ni mwizi na dhaifu kisiasa kwanini CCM wanahangaika baada ya Lowassa kuchukua form??

(5)Kama Lowassa ni mgonjwa , Kwanini CCM wananahaha baada ya Lowassa kuchukua form? Je, wanamuogopa mgonjwa??

HOJA DHAIFU KWA CCM

(1)CCM walisema Lowassa ni Mwizi na anatakiwa kujivua Gamba sasa Lowassa ameondoka kwanini munahofu???

(2)Kama Lowassa ni mwizi Kama wanavyoamini CCM basi nawashauri CCM wasihangaike na jina la Lowassa kwenye tume ya Uchaguzi , waliache harafu wapime nguvu ya Lowassa na Mangufili!!
Kikwete alisema Chama si mtu sasa uje umnadi Magufuli wakati anapambana na Lowassa!!

(3)Nawaomba CCM waje na ushahidi kwenye majukwaa ya Siasa kuonesha kuwa Lowassa ni fisadi, wasikimbilie kwenye kamati ya maadili na NEC.Wakifanya hivyo basi wananchi watachambua pumba na mchele.

Wasomi waishangaa UKAWA

WASOMI mbalimbali nchini wamewatahadharisha wananchi kwa kusema nchi haijafikia wakati wa wanasiasa kutaka kushinda uchaguzi kwa gharama yoyote, hata kama hawana misingi ya utawala bora.
Wakitoa maoni yao Dar es Salaam jana, wasomi hao kutoka taasisi za vyuo na zile za utafiti, walisema pamoja na kwamba kuhama chama ni haki ya mtu na hakuna anayeweza kuhoji, lakini wakahoji ni nini dhamira ya kuhama huko na kama kuna maslahi kwa wananchi.
Akizungumzia uamuzi wa aliyekuwa Waziri Mkuu wa zamani, Edward Lowassa kutangaza kujiunga rasmi na Umoja wa Vyama Vinne vya Upinzani (Ukawa) na kukihama chama tawala, CCM, Mhadhiri Mwandamizi aliyebobea katika uchambuzi wa masuala ya siasa katika Chuo Kikuu cha Dar es Salaam, Dk Benson Bana alihoji dhamira yake ni ipi.
“Kuhama chama ni haki ya raia, hakuna anayehoji, lakini dhamira inayompeleka Ukawa ni nini, hivi mtu aliyekuwa haramu kwao leo ni lulu, hapa ndio wasiwasi unaanza. Mwaka 2010 walimtumia Lowassa kama mtaji, mwaka 2015 wanamuona ni dhahabu, kuna uwalakini hapa”, alisema Dk Bana.
Alifafanua kwamba katika medani za siasa, haiwezekani mtu mmoja tena kwa ghafla anakuwa maarufu ndani ya vyama vinne na kusema huo ni unafiki uliokubuhu na hakuna demokrasia, kwani hata huko anakokwenda ataasi na kuwageuka.
“Lowassa anatoka CCM kimwili, na Ukawa walimdhalilisha sana Lowassa, walimnyanyasa na sasa ni vyema wakatubu hadharani kabla ya kupiga hatua nyingine yoyote, wamuombe awasamehe, na kwa vile Lowassa alishasema yeye ni Mkristo safi, basi awasamehe”, alisema Dk Bana.
Dk Bana akifafanua zaidi alisema haiwezekani taasisi hizo nne yaani vyama vya siasa vinne vinavyounda Ukawa, NCCR-Mageuzi, Chadema, CUF na NLD, kukosa mtu wa kumsimamisha kwenye uchaguzi ujao hadi kusubiri CCM ikamkate jina Lowassa na ndio wao wakaona anafaa kupitia umoja wao.
“Tunapozungumzia masuala ya siasa tuangalie mbele zaidi, tujiulize hivi hawa viongozi wa vyama hivi vinne wana dhamira ya kweli kwa nchi hii, kinachoonekana hapa ni uroho wa madaraka na jambo hilo litafifisha vyama hivyo vyote kisiasa,” alionya Dk Bana.
Alisema haitakuwa ajabu ifikapo siku ya uchaguzi, watanzania sio mbumbumbu wataamua, hawawezi kuvutwa na mtu mmoja tu, bali wataangalia dhamira zao na maslahi ya taifa.
Alihadharisha kwamba jambo hilo la Lowassa kuondoka CCM litambomoa kisiasa na kamwe haliwezi kuijenga Ukawa kwani inavyoonesha kila mmoja ana dhamira yake binafsi na kwamba hakuna maadili wala sheria inayotumika kuongoza safari hiyo ya Ukawa.
Kwa upande wake, Mtafiti Mwandamizi wa masuala ya Uchumi kutoka REPOA, Dk Abel Kinyondo alisema Ukawa wamemtumia Lowassa kama chambo cha kuvuta watu wengi, jambo ambalo alisema ni mbinu moja ya kushinda uchaguzi.
Lakini akaonya kuwa, siasa ni zaidi ya kushinda uchaguzi, na kusema ni vyema Ukawa wakatafakari uamuzi wao kwani jambo hilo linauweka umoja huo njia panda. “Kwa kumpata Lowassa wanaweza kushinda uchaguzi, lakini je, maadili na sheria, Ukawa inasimamia wapi?
Vyama vinatakiwa kuwa na maadili na msimamo vilete sera nzuri kwa wananchi sasa, miaka mitatu mfululizo walimsema Lowassa mchafu, na anatakiwa awe amefungwa, sasa wamemsafisha lini hadi awe msafi kusimama Ukawa? Alihoji Dk Kinyondo.
Alisema, Tanzania haijafika kipindi cha wagombea kushinda kwa gharama yoyote, bali inahitaji viongozi wasafi na wanaoweza kutetea maslahi ya wananchi, na sio wenye nia na maslahi binafsi ya kung’ang’ania madaraka kwa nguvu.
“Ni vyema tungeambiwa Ukawa wanasimamia wapi, walishatoa matamko sio, Dk Slaa wala Mbowe ya kuwa Lowassa ni fisadi na anatakiwa afungwe, sasa leo amegeuka kuwa msafi kiasi gani hadi wamsimamishe kuwakilisha vyama hivyo vilivyomtuhumu? Alihoji Dk Kinyondo.
Katika hilo, Dk Kinyondo alisema uamuzi wao huo, utawaacha njia panda na utashusha hadhi ya vyama hivyo kwani kama wanashindwa kusimamia misimamo yao miaka chini ya mitatu tu, wakiwa nje ya madaraka, je, wakiingia watawezaje kuongoza kwa utawala bora na kuhadharisha wananchi wanatakiwa kuwa macho.
“Siasa ni zaidi ya kushinda uchaguzi, ni kuangalia maendeleo ya watu yatakuwaje na misingi ya utawala bora ni ipi na misimamo ya chama au vyama ni ipi katika kuongoza nchi,” alisema Dk Kinyondo.
Kwa upande wake Mhadhiri wa Chuo Kikuu cha Dar es Salaam Bashiru Ally, alisema hadi sasa hakuna mwanasiasa yeyote aliyehamia chama kingine cha siasa, kutokana na kuendeshwa na itikadi ila wengi wanahama kutokana na maslahi yao binafsi.
“Hata hivyo, kuhama huku hakujaanza leo, katika historia ya vyama vingi tumeona wanasiasa wengi tu wakubwa, wakihama vyama vyao kwenda vyama vingine hasa ikifikia nyakati za uchaguzi na sababu kubwa ni malengo ya kisiasa,” alisema.
Alisema wengi wa wanasiasa hao huhama kutokana na njaa ya kutawala hivyo wanapokosa fursa walikotoka huhamia kwingine kuitafuta fursa hiyo. “Huu si mwenendo mzuri kwani unaonesha kuwa wanasiasa wengi hawafuati kanuni za vyama vyao bali malengo yao binafsi,” alihtimisha.
Amkimbia Lowassa Katika hatua nyingine, kada wa Chadema, Innocent Peter Kamani akizungumza kupitia kipindi cha Hello Tanzania kinachorushwa na kituo cha Redio cha Uhuru FM jijini Dar es Salaam, alitangaza kurudisha kadi ya Chadema na kuwa mwanaharakati kutokana na chama hicho kumpokea Lowassa, akisema kimehadaa wanachama wake, kwani kwa muda mrefu walikuwa wakimsema kwa mabaya mwanachama mpya waliyempokea, hivyo kuwayumbisha wanachama kuhusu msimamo halisi wa chama hicho.

KUHUSU DK. SLAA KUMKATAA LOWASSA UKWELI NI HUU

 
Kutoka gazeti la uwazi.
NI kweli, ukweli ni huu! Wakati maelfu ya watu nchini wakiamini kutoonekana hadharani kwa Katibu Mkuu wa Chama Cha Demokrasia na Maendeleo (Chadema), Dk. Willibroad Slaa kunatokana na kuchukizwa na kitendo cha kukaribishwa kwa waziri mkuu aliyejiuzulu, Edward Lowassa na kupewa fomu ya kuwania urais kupitia chama hicho, ukweli wa jambo hilo umeibuliwa,


Edward Lowassa na alipochukua fomu ya kuwania urais kupitia Chadema.

Mjumbe mmoja wa Kamati Kuu (CC) ya chama hicho, aliyeomba hifadhi ya jina lake, ameliambia gazeti hili kuwa, madai yanayotolewa na watu mitaani na katika mitandao ya kijamii yakisema Dk. Slaa amekasirishwa na kitendo hicho ni ya uongo.

ALIANZA DK. SLAA, MBOWE MH!

Mjumbe huyo alisema kuwa, Dk. Slaa ndiye mtu wa kwanza ndani ya Chadema kutoa wazo na hatimaye kushiriki kikamilifu katika vikao vya kumwezesha Lowassa kujiunga na chama hicho.

“Kwa taarifa yako, Dk. Slaa ndiye aliyemtaka Lowassa ajiunge Chadema. Mbowe (Freeman, Mwenyekiti wa Taifa Chadema) hakumtaka kabisa huyu jamaa aje kwetu. Kwa sababu hakuona jinsi gani wangewaeleza wananchi juu yake, lakini mzee ndiye aliyeshawishi na vikao vya kumjadili vikaanza mfululizo. Ukiangalia picha za awali, Dk. Slaa yupo.”

MTOA HABARI ASHIRIKI VIKAO

“Mimi ninayekwambia ni Mjumbe wa Kamati Kuu, nimeshiriki zaidi ya vikao 14 vilivyokuwa vikimjadili Lowassa na vyote hivyo, Dk. Slaa alikuwepo. Huyu jamaa hajakaribishwa kwa utashi wa mtu mmoja kama mnavyosikia huko nje na wala mzee Mtei (Edwin, mwasisi wa chama hicho) hahusiki na chochote,” alisema mjumbe huyo.

WABUNGE WAKOROFI WALIAFIKI

Kwa mujibu wa mjumbe huyo, ili kuondoa dhana kuwa, Lowassa anapelekwa Chadema na uongozi, wabunge wote ‘wakorofi’ ndani ya chama hicho walikaribishwa kushiriki vikao 14 vya kumjadili ili pia wamuulize maswali na yapate majibu kitu ambacho kilifanyika kwa ufanisi wa hali ya juu.

Aliwataja baadhi ya wabunge hao ‘wakorofi’ na majimbo yao kwenye mabano kuwa ni pamoja na Godbless Lema (Arusha Mjini), John Mnyika (Ubungo), Tundu Lissu (Singida Mashariki), Joseph Mbilinyi (Mbeya Mjini), Halima Mdee (Kawe), Peter Msigwa (Iringa Mjini), Joshua Nassari (Arumeru), Ezekiel Wenje (Nyamagana),  David Silinde (Mbozi Magharibi) na Highness Kiwia (Ilemela).

“Unajua, kwa vyovyote vile, vikao kama vingefanywa na viongozi wa juu peke yao, hawa wabunge wakorofi wangesumbua sana, lakini wote walishiriki na hakuna ambacho hawakijui. Ndiyo maana wote wamekaa kimya kwa sababu taratibu zote zilifuatwa,” alisema mjumbe huyo.

UKWELI ULIVYO

“Hapa lazima nikueleze ukweli. Kinachotokea kwa Dk. Slaa ni shinikizo kutoka familia yake. Kuna watu walikuwa na matumaini makubwa ya kufaidika endapo yeye angegombea tena na kushinda urais mwaka huu, hivyo wameamua kununa kwa sababu kilichotokea hakina masilahi kwa familia.

YADAIWA DK. SLAA ALITAKIWA KUCHAGUA MOJA

Mjumbe huyo alikwenda mbali kwa kusema kuwa, wakati wa mchakato wa Dk. Slaa kutaka Lowassa aingie Chadema baada ya kukatwa jina na Kamati Kuu ya Chama Cha Mapinduzi (CCM) mjini Dodoma, hakuiambia familia yake mpaka dakika za mwisho, ikajulikana.

“Ndipo familia ikamweka chini na kumwambia achague moja. Aendelee na siasa za Chadema au aachane  na siasa hizo ili  aangalie familia yake kwani kitendo chake cha kuwa mstari wa mbele kumtaka Lowassa kiliashiria kuwa, yeye hatagombea tena urais hivyo kuua matumaini ya familia. Ndiyo maana yupo kimya na hafiki ofisini.”

CHADEMA YAPANGA SAFU YA KUMSHAWISHI

“Sasa dokta ni mtu mzima. Hawezi kuliamua hilo kirahisi kama unavyofikiria. Ni lazima aende nalo taratibu ili kuziridhisha pande zote mbili. Na kwa kutambua hilo, chama kimeunda jopo la watu, wakiwemo mapadri, mashehe na marafiki zake ili wamshawishi arejee Chadema lakini akiiweka familia yake katika kuridhia na kumwelewa,” alisema mjumbe huyo wa Kamati Kuu.

LOWASSA AANIKA UKWELI KUHUSU RICHMOND

Kuhusu madai ya muda mrefu ya chama hicho yanayomtaja Lowassa kuwa ni fisadi, mjumbe huyo alisema kiongozi huyo aliwaeleza kwa ufasaha kuhusu utajiri wake na wakaridhika. Kwa upande wa Richmond, aliwaeleza kuwa alishataka kuuvunja mkataba huo, lakini mamlaka ya juu ikamzuia.

TAASISI TOKA NJE YATUA NCHINI KUTAFITI

Juu ya nafasi yao kushinda urais wakiwa na Lowassa, mjumbe huyo alisema kabla ya kuafiki kumtangaza kugombea, kwa gharama za Chadema, walikodi taasisi ya utafiti kutoka nchini Ujerumani kuja Tanzania ili kufanya utafiti nchi nzima kama Lowassa anakubalika.

Alisema utafiti ulipokamilika, ikaonesha kuwa, kama uchaguzi mkuu ungefanyika Julai 2015, Lowassa alikuwa mbele ya wagombea wenzake kwa asilimia 65.

SLAA KIMYAAA!

Hadi gazeti hili linakwenda mtamboni, Dk. Slaa hajajitokeza kuelezea kilichosababisha ukimya wake huku akiwa hapokei simu ya Uwazi kitu kinachozidisha kwa kasi maneno mitandaoni juu ya hatima yake ndani ya chama hicho kikuu cha upinzani.

Alhamisi iliyopita gazeti dada na hili, Uwazi Mizengwe linalotoka kila Ijumaa, waandishi wake walishinda nyumbani kwa Dk. Slaa, Mbweni nje kidogo ya Jiji la Dar lakini walishindwa kuongea naye licha ya kumpelekea karatasi yenye ujumbe wa kumuomba kuzungumza naye, waliambulia kumuona kwa mbali akiwa ndani ya geti la nyumba yak

Kada wa Vijana Chadema Dar auawa kwa risasi

Dar es Salaam. Mwenyekiti wa Vijana Chadema Tawi la Luis, Mbezi Luis, Dar es Salaam, Dennis Kasanga ameuawa kwa kupigwa risasi shingoni usiku wa kuamkia jana, huku taarifa zilizotolewa na polisi zikitofautiana na mashuhuda wa tukio hilo.

Kasanga, mkazi wa Mbezi Luis alipigwa risasi na watu wanaodaiwa kuwa majambazi waliovamia baa inayojulikana kwa jina la Mtauli iliyopo njiapanda ya Barabara ya Goba na Makabe saa saba usiku. Hata hivyo, polisi wamesema tukio hilo halihusiani na ujambazi na wala halikutokea muda huo.

Kamanda wa Polisi Mkoa wa Kipolisi Kinondoni, Camillius Wambura alisema jana kuwa tukio hilo lilitokea saa 10 alfajiri kuamkia jana.

Alisema tukio hilo lilitokea Barabara ya Goba baada ya watu wanne waliokuwa wakisukuma gari bovu kuvamiwa na watu wengine wanne na kuibuka mzozo kati yao.

“Baada ya mzozo, ghafla mmoja aliibuka na kuanza kuwafyatulia risasi iliyowajeruhi watu wawili na kuua  mmoja aliyepigwa risasi shingoni,” alisema Kamanda Wambura.

Kamanda Wambura alisema tukio hilo halihusiani na ujambazi kama watu wanavyodai. “Siyo kila mtu anayefyatua risasi ni jambazi, subiri kwanza tunaendelea na uchunguzi wa tukio.”

Hata hivyo, mashuhuda wa tukio hilo walidai kuwa marehemu aliuawa kwa kupigwa risasi na majambazi, ambao pia waliwajeruhi watu wengine wawili akiwamo mlinzi wa baa hiyo.

Mbali na kujeruhi, watu waliokuwa na bastola, mapanga na marungu pia waliwapora simu na fedha wateja wachache waliokuwapo kwenye baa hiyo.

Kati ya waliojeruhiwa, mmoja ni mlinzi aliyepigwa rungu usoni na mwingine aitwaye Erasmo Basheja, mkazi wa eneo la Basondole aliyepigwa risasi begani.

Mhudumu mmoja wa baa hiyo aliyekataa kutaja jina lake, aliliambia gazeti hili jana kuwa watu kati ya sita au saba walifika kwenye baa hiyo saa saba usiku wakijifanya wateja waliotaka kuhudumiwa vinywaji.

Alisema wakati wakifika, baa ilishafungwa ila kulikuwa na wateja wachache nje na yeye muda huo alikuwa ndani. “Baa ilishafungwa zamani, ila kulikuwa na wateja wachache nje wakimalizia vinywaji,” alisema shuhuda huyo.

Alisema baada ya watu hao kuelezwa kuwa baa imeshafungwa, ghafla walibadilika na kuwataka watu waliokuwa hapo kulala chini na wakaanza kuwapekua mifukoni na kupora simu zao.

“Nilisikia mlio wa risasi na haraka haraka nilifunga mlango wa kuingia kaunta ya vinywaji kisha nikalala uvunguni kwenye chumba kinachotumia mlango mmoja na kaunta,” alisema shuhuda huyo.

Aliongeza: “Niliwasikia wale majambazi wakisema, ‘hawa wanawake wameshafunga geti.’ Nilikaa kimya nikiwa nimejilaza chini ya godoro.”

Alisema majambazi hao wanaijua fika baa hiyo, kwani baada ya kuwalaza watu chini walizunguka nyuma, ambako ndiko kwenye geti la kuingia kaunta na vyumba vya ndani.

Mlinzi wa baa hiyo, ambaye amejeruhiwa usoni kwa kupigwa na rungu aliiambia gazeti hili kuwa majambazi hao walifika kwenye baa hiyo saa saba usiku wakati tayari pameshafungwa.

Alisema alikuwa amekaa kaunta pamoja na marehemu na mtu mwingine ambaye hakumbuki jina lake, ndipo aliposikia mlio wa risasi na wakati akitaharuki, alivamiwa na mmoja wa watu hao na kupigwa rungu usoni huku akisema: “Usiniangalie usoni.”

“Nilidondoka chini na wakaanza kunisachi mifukoni huku wakinitaka kutoa simu na fedha, niliwajibu sina kitu na baada ya kunipiga niliamua kutoa simu na kuwapa,” alisema mlinzi huyo.

Alisema marehemu alipigwa risasi wakati akiondoka alipoketi na kwenda sehemu ambayo alisikia mlio wa risasi. “Alikuwa kaunta na baada ya mlio wa risasi alinyanyuka na kwenda sehemu ya nje ya baa huko ndiko alikopigwa risasi na kufariki dunia papo hapo,” alisema.

Kifo cha kiongozi huyo wa vijana Chadema pia kimethibitishwa na mjumbe wa Serikali ya Mtaa wa Luis, Finna Massawe.

Majirani wa eneo ilipo baa hiyo walidai kuwa baa hiyo imekuwa ikivamiwa na majambazi, mara kwa mara, na kwamba ingawa tukio la kuuawa mtu ni mara ya kwanza kutokea, lakini tayari uhalifu wa kuvamiwa baa hiyo ulishafanyika mara mbili.

Breaking News: LOWASSA Atangaza Rasmi Kuhamia CHADEMA.....Asema CCM siyo Baba Yake Wala Mama Yake

Waziri  mkuu wa  zamani  Edward  Lowassa  ametangaza  rasmi  kukihama  chama  cha  mapinduzi, CCM mchana  huu  na  kutangaza  kuhamia  CHADEMA.....

 Lowassa  ametoa  kauli hii Bahari  Beach , Dar akiwa  sambamba  na  viongozi  mbalimbali  wa  UKAWA   ambao  wamekutana  na  waandishi  wa habari  kuzungumzia  hatima  yake  kuelekea  ikulu  pamoja  na  mapungufu  yaliyojitokeza  wakati  wa  mchakato  wa  kumpata  mgombea  urais  wa  CCM.

Lowassa  amesema  baada ya  kutafakari  kwa  kina  na  kujiridhisha, ameamua  kujiondoa  CCM kwa  kuwa  siyo  baba  yake  wala  mama  yake  na  kuitikia  wito  wa  UKAWA  kupitia  CHADEMA.

 Amesema  safari  yake  haitafanikiwa  iwapo  hawatajitokeza  watu  wengi  kupiga  kura na  anaiomba  tume  ya  uchaguzi  iongeze  muda  ili  watu  wote  waweze  kujiandikisha

Lowassa  amesema  alinyimwa  haki  yake  na  CCM  kama  mtanzania  kujieleza  na  kujitetea, hivyo  atakuwa  mnafiki  akisema  anaimani  na  chama  hicho.

 Baada  ya  maelezo  hayo; Mwenyekiti  wa  CHADEMA, Mh. Freeman Mbowe  alisimama  na  kumkabidhi  rasmi  Lowassa  Kadi  ya  CHADEMA

Fedha alizochangiwa Lowassa na kundi la Marafiki wa Edward Lowassa zatafunwa....

WANACHAMA wa kundi la Marafiki wa Edward Lowassa waliochanga fedha za kumwezesha waziri mkuu huyo wa zamani kuchukua fomu ya kugombea urais, wamemtuhumu aliyekuwa naibu katibu wao, George Kivuyo  kutafuna fedha hizo.
Taarifa zilizopatikana kutoka kwa baadhi ya wanachama hao wanaojulikana kama Team Lowassa 4 President, zinadai naibu katibu mkuu huyo ambaye pia ni mweka hazina wao, alitafuna kiasi cha shilingi laki saba zilizochangwa.
Walidai fedha hizo ziligunduliwa kutotumika ilivyopaswa baada ya kutojulikana zilipo na alipoulizwa hakuwa na majibu ya kueleweka.
Baadhi ya wanachama hao, Fauzia Ally, Hassan Mollel na Yussuf Hamis walisema kutokana na kitendo hicho, wanachama hao wameanza kufarakana kutokana na mgogoro.
“Hizi fedha zilitumiwa tofauti na ilivyokusudiwa, zinatakiwa zirudishwe, akabidhiwe mzee Lowassa,” alisema Hassan Mollel.
Naibu katibu mkuu huyo alipopigiwa simu na mwandishi wetu juzi Jumapili alisema kwamba madai hayo ni ya uongo na fedha hizo hazikuwa laki saba bali zilikuwa Sh. 526,000.
“Mimi ni mweka hazina msaidizi na tatizo limekuja baada ya kuhoji kuhusu fedha hizo alizokabidhiwa bosi wangu.”
Katibu mkuu wa chama hicho, Mohamed Mkindi alipoulizwa alikiri kusikia malalamiko hayo lakini alidai yupo mikoani na akirudi jijini Dar es Salaam atazifuatilia.

TUNDU LISSU AFUNGUKA UKWELI WOTE KUHUSU EDWARD LOWASSA.